Na zelenoj pijaci u TC Gintaš ove sedmice cijene voća i povrća bile su nepromijenjene, a ponuda raznovrsna. Kilogram mladog krompira iz Tuzi koštao je 1,50, a starog 0,60 eura. Prodavci su nudili i deset kilograma krompira za pet eura. Krastavac se mogao kupiti za euro, koliko je trebalo izdvojiti i za tikvicem dok je kilogram paradajza cijenjen 1,80 eura. Za kilogram paprika trebalo je izdvojiti 1,50, a luka od 0,50 do 1,20 eura, dok je bijeli luk cijenjen od pet do sedam eura. Pori luk koštao je 60 centi, a bijeli kupus 1,30 eura. Blitva je nuđena za 0,80, spanać i raštan dva, a zelena salata od dva do dva i po eura. Kilogram šargarepe koštao je od euro do euro i po. Cveklu su prodavci nudili za euro, koliko je koštala i vezica rotkvice, dok je bundeva cijenjena od euro do dva. Patlidžan i brokola su po tri eura, a karfiol 2,50 eura.
Kilogram jagoda koštao je četiri eura, dok su pomorandže 1,20 eura. Za kivi trebalo je izdvojiti euro, a za jabuke 40 centi manje. Banane su se mogle pazariti od 0,80 do euro, a kruške su cijenjene od 2,50 do tri eura. Dunja je nuđena za 2,50 eura, a limun od 0,60 do dva eura, dok su uvozna mandarina i grejpfrut prodavani po dva eura.
Kilogram suvih smokava je pet, a suve šljive bez košpice prodavane su četiri eura. Na pijaci moglo se kupiti i sjeme crmničkog luka za osam eura, a prodavana je i lukovina za 50 centi.
Cijene jaja su takođe, ostale nepromijenjene. Tako su po komadu nuđena od 12 do 15 centi. Za školjku od 30 jaja trebalo je izdvojiti od 3,60 do 4,50 eura.
Kilogram starog sira košta pet eura, dok se mladi mogao kupiti za euro jeftinije. Lisnati kolašinski cijenjen je seda, a koziji osam eura. Mladi kajmak nuđen je od devet do deset eura.
A.D.
Komentari
Komentari se objavljuju sa zadrškom.
Zabranjen je govor mržnje, psovanje, vrijedjanje i klevetanje. Nedozvoljen sadržaj neće biti objavljen.
Prijavite neprikladan komentar našem
MODERATORU.
Ukoliko smatrate da se u ovom članku krši Kodeks novinara, prijavite našem
Ombudsmanu.
)){kind=small}
