Izdavačka kuća ,,Laguna” objavila je nedavno roman za djecu „Riba na drvetu” američke autorke Linde Malali Hant. Ovo je dirljiva priča o djevojčici koja pati od disleksije i pokušava da se uklopi u zajednicu koja može ponekad biti surova.
Svako je pametan na svoj način. Ali ako sudiš o ribi po njenoj sposobnosti da se popne na drvo, ona će čitav život provesti misleći da je glupa.
Ali je dovoljno sposobna da prevari mnoge. Svaki put kad se upiše u novu školu uspijeva da sakrije da ne zna dobro da čita. Umorna je od toga što zbog disleksije svi misle da je „spora” ili da je „gubitnik”, ali nema snage da zatraži pomoć. Međutim, umjesto problematične djevojčice, njen novi nastavnik vidi u njoj kreativno i oštroumno dijete. Kad Ali i novi nastavnik budu međusobno uspostavili povjerenje, sve će se promijeniti...
„Riba na drvetu” je emotivna priča koja se obraća svima onima koji osjećaju da se ne uklapaju u svoju okolinu i koji zbog toga trpe. Zasnovan na ličnom iskustvu, roman Linde Mulali Hant pokazuje da svi mi posjedujemo određene talente i da će neuspjeh doći samo ako se ne trudimo dovoljno.
Ovaj roman je i bestseler ,,Njujork Tajmsa” i višestruko nagrađivana knjiga koja je dosad prevedena na jedanaest jezika.
Knjiga je namijenjena djeci školskog uzrasta, roditeljima i nastavnicima koji se sreću sa djecom koja su drugačija ali i svima koji osjećaju da se ne uklapaju u svoju okolinu.
Linda Malali Hant živi u Novoj Engleskoj u SAD-u. Radila je kao učiteljica i direktorka privatne škole pisaca za djecu. Živi u Konektikatu sa suprugom i dvoje dece.
A.Ć.
Komentari
Komentari se objavljuju sa zadrškom.
Zabranjen je govor mržnje, psovanje, vrijedjanje i klevetanje. Nedozvoljen sadržaj neće biti objavljen.
Prijavite neprikladan komentar našem
MODERATORU.
Ukoliko smatrate da se u ovom članku krši Kodeks novinara, prijavite našem
Ombudsmanu.